తన భర్త, హీరో రామ్‌చరణ్‌కు సంబంధించిన ఎన్నో విషయాలను ఉపాసన సోషల్ మీడియా ద్వారా పంచుకోవడం తెలిసిందే. తాజాగా, ‘వినయ విధేయ రామ’ సినిమా లొకేషన్లో చరణ్ కోసం ఆమె చేప ఫ్రై తయారు చేశారు. ఉప్పును వాడకుండా.. ఆలివ్ ఆయిల్, నిమ్మరసంతో ఆమె ఈ డిష్‌ను చేశారు. ఈ వంటకం తయారీలో ఉపాసనకు చరణ్ కూడా సాయం అందించాడు. ఆ తర్వాత ఫిష్‌కు తోడుగా బంగాళాదుంప, వెల్లుల్లిలను ఆమె జత చేశారు. మరో విషయం ఏమిటంటే పక్కనున్న కాలువ నుంచి చరణ్ అసిస్టెంట్ ఈ చేపను పట్టుకొచ్చాడు.
కాగా.. చరణ్‌కు ఏం ఇష్టమో, ఏం అలవాటో.. అవన్నీ చేస్తూ.. ఒక ఇల్లాలుగా తన బాధ్యత నెరవేరుస్తుంది ఉపాసన.
